გარდენიაში თითქმის ყველა მცენარე ჩვენი ხელით გამოგვყავს, თესლის შეგროვებიდან და გაშრობიდან დაწყებული შესაფერისი სუბსტრატის შერჩევით და შეზავებით დამთავრებული.

ჩვენთვის განსაკუთრებით ძვირფასია ადგილობრივი, ენდემური ჯიშის მცენარეები, რომელთა გვერდით ეგზოტიკური წარმომადგენლებიც ბინადრობენ. მათ მსოფლიოს ბაღებიდან ვაგროვებთ და ვცდილობთ, ადგილობრივ გარემო პირობებთან ადაპტირება გავუადვილოთ. ვაკვირდებით, რამდენად შეძლებენ ცივ ზამთრთან თუ ცხელ ზაფხულთან შეგუებას და შესაბამისად ვუვლით მათ.

ჩვენ არ ვიყენებთ ქიმიურ ნივთიერებებს და ვცდილობთ, ბუნებრივი საშუალებებით ვიზრუნოთ მცენარეების ჯანმრთელობაზე.